Ертегілер әлеміне құштар, ізгілікке сенетін кез келген адам Қуыршақ театрының билеттерін алуға асығады. Мұнда адамның жасына қатысты шектеу жоқ. Театрға келуші әр қойылымнан өзі іздеген жан тыныштығын табады, ерекше көңіл күйге бөленеді! Балалар әлемі ең көңілді, ең шынайы әлем! Ал қоғам осындай тазалыққа құштар!

Алматыда «Қуыршақтар шоуы» басталды

17 Қыркүйек 2019

Қала күнін мерекелеу аясында 12-19 қыркүйек аралығында Мемлекеттік қуыршақ театры көңілді көрсетілімдер ұсынады. Бұл туралы Алматы қаласының баспасөз қызметі хабарлады.

85 жылдық тарихы бар Алматы қаласының Мемлекеттік қуыршақ театры Қазақстандағы ең ірі өнер ұжымдарының бірі. Бүгінде талантты артистер мен қуыршақ шеберлерінің, режиссерлердің, суретшілердің бірнеше ұрпағын тәрбиелеп шығарды.

 

Қаланың барлық сегіз ауданының көрермендері үшін театр репертуарының үздік спектакльдері және түрлі ұлт өкілдерінің шығармашылығын бейнелейтін арнайы қойылым, «Қуыршақтар шоуы» ұсынылады. Қойылымның авторы мен режиссері - С. Шүкіров, К. Ешмұратова. Тағылымы жоғары көрермен үшін «Арыстанның қорқынышын қалай жазуға болады?» атты интерактивті қойылым көрсетіледі. Авторы - М. Дългечева, режиссері - К. Андреева.

 

 

«Рухани жаңғыру» бағдарламасы аясындағы алғашқы «Қуыршақтар шоуы» концерті 12 қыркүйекте Оқушылар Сарайының алдында өтті.

 

"Egemen Qazaqstan" Республикалық газеті