Ертегілер әлеміне құштар, ізгілікке сенетін кез келген адам Қуыршақ театрының билеттерін алуға асығады. Мұнда адамның жасына қатысты шектеу жоқ. Театрға келуші әр қойылымнан өзі іздеген жан тыныштығын табады, ерекше көңіл күйге бөленеді! Балалар әлемі ең көңілді, ең шынайы әлем! Ал қоғам осындай тазалыққа құштар!
Премьера
Есте сақта, балақай!
Жанр: Ақпараттық-танымдық ертегі
Автор: Назерке Құмарғалиева
Режиссер: Еркебұлан Қабдыл
+3
Қоғам өмірінде маңызды орын алатын, әрбір адам білуге және ұстануға тиіс салауатты өмір салты, дұрыс тамақтану, өрт қауіпсіздігі және жол жүру ережелерін қаншалықты жетік білеміз?! Күнделікті өмірде осы ережелерді қатаң сақтап жүрміз бе?! Бүлдіршіндер қызығушылығына сай интерактивті бағытта сахналанған «Есте сақта, балақай!» ақпараттық-танымдық қойылымы осы сауалдарға жауап іздейді. Астары терең тәрбиеге ие жауапкершілікке, тазалыққа, жан-жақтылыққа, кішіпейілділікке шақыратын қойылым көрермендерді бейжай қалдырмасы анық.
Қаздар мен Аққулар
Жанр: Ертегі
Автор: Елена Локшина
Режиссер: Антон Зайцев
+3
Орыс халық ертегісінің желісі бойынша сахналанған – «Қаздар мен аққулар» қойылымы мейірімділік, бауырмалдық, жанашырлық, қайсарлық пен табандылық қасиеттерінің маңызын дәріптейтін көңілді де тәрбиелік мәні зор туынды. Ертеде аядай ғана ауылда кішкентай бүлдіршіндерімен күйеуі мен әйелі өмір сүріпті. Бір күні олар шұғыл жұмыстарын бітіру үшін көрші ауылға жолға шығады. Сапар алдында әке-шешесі үлкен қызына кішкентай бауырын қарауды тапсырады. Алайда, қыз ойынның қызығына түскенші соншалық, тапсырылған міндеттерін мүдем естен шығарады. Сол сәтте күтпеген жерден зұлым қаздар мен аққулар ұшып келіп қыздың бауырын ұрлап әкетеді. Бауырын құтқару үшін қайсар қыз қауіпті жолға шығуға бел буады...
Ұр, тоқпақ!
Жанр: Ертегі
Автор: Қасымхан Бегманов
Режиссер: Еркебұлан Қабдыл
+3
Қазақ халық ертегісінің желісімен жазылған, жаңаша режиссерлік ұтқыр шешімдермен өзгешеленетін қазақы ұлттық дүниетаным мен адамгершілік құндылықтарды дәріптейтін «Ұр.тоқпақ!» қойылымының басты ерекшелігі - қуыршақ кейіпкерлердің сан қырлылығанда. Аңғал да сенгіш, ақкөңіл де мейірімді ақсақал қошақанын іздеп жүріп, тұзаққа түсіп қалған қазды құтқарып қалады. Қарапайым қазды емес таңғажайып данышпан Қазбайды құтқарған ақсақал мен кемпірі екеуінің өміріне сол сәттен бастап үлкен өзгеріс енеді. Қазбай ақсақалға алғыс ретінде «Піс қазан», «Құс есек» және «Ұр, тоқпақ» атты ерекше сиқырлы сыйлықтар ұсынады...
Шал мен теңіз
Жанр: Аңыз
Автор: Э.Хемингуей
Режиссер: Д.Жұмабаева
+16
Телегей теңіздің таңғажайып сұлулығымен қатар, сұрапыл дауылы мен сұсты мінезін, өмір ішінен өлім, өлім ішінен өмір іздеген Кубалық балықшы Сантьяго шал және марлин балығы арасындағы алыс арманға ұмтылыс пен жанкешті күресті баяндайтын «Шал мен теңіз» қойылымы белгілі американдық жазушы Эрнест Хемингуэйдің повесі бойынша сахналанған. Адамның арманға деген адалдығы, оған жету жолындағы тартысқа толы арпалысы мен күресін, үзілмес үміт пен күдікке байланған тағдырын баяндайтын қойылым тұңғыш рет қуыршақ бейнесінде тіл қатпақ.
