Сәкен Сейфуллин атындағы Қарағанды облыстық академиялық қазақ драма театрының қуыршақ труппасы / Қарағанды қаласы, Қазақстан
Автор: Гримм ағайындылары
Инсценировка авторы: Е.Ионов
Қоюшы режиссер: А.Зайцев
Суретші: Ю.Чернова
Музыка: Ж.Жасұлан
Жас санаты: 12+
«Қаршақыз және жеті ергежейлі» – ертегісі қашанда жақсылықтың түбі жамандық атаулыны жеңетінін дәлелдейтін қызықты да, таңғажайыпқа толы көрініс.
Басты кейіпкер – сұлу ханшайым. Қаршақыздың сұлулығына, табиғи болмысына қызғанышпен қараған зұлым да, іші тар өгей шешесі – патшайым туралы оқиға. Қызғаныштың әсерінен Патшайым орманшыға Қаршақызды өлтіруге бұйрық беріп, өміріне қауіп төндіреді. Алайда, күтпеген жерден Қаршақыз жеті ергежейлімен танысып, олардың үйінде өмір сүре бастайды... Ертегінің басты ойы – зұлым күштер не істесе де, жақсылық түптің түбінде жеңіске жететіндігін баяндайды. Ертегінің тәрбиелік мәні – өзгелердің жетістігіне қызғанышпен қарамай, мейірімді әрі жанашыр болуға үйретеді. Қатігездік пен қызғаныш – адамды іштен жейтін жаман қасиеттер екенін ашып көрсетеді.
Қойылым қазақ тілінде өтеді.