«Ұлағатты ұрпақ» жобасы |театртанушы Жазира Ахметова дәрісі | «Ана – Жер ана»
Құрметті жанкүйерлер! Қуыршақ театры Әдебиет бөлімінің меңгерушісі Жазира Ахметова «Ұлағатты ұрпақ» онлайн мәдени-білім беру жобасы аясында берген дәрісін назарларыңызға ұсынамыз!
«Ұлағатты ұрпақ» – мектеп жасындағы балаларға онлайн форматта мәдени білім беруге бағытталған жоба. 2020 жылдың қазан айында іске қосылған. ҚР Мәдениет және Спорт министрлігі бастамасы бойынша жүзеге асырылған. Жоба аясында бейнелеу өнері, театр, музыка, кино саларымен қатар Қазақстанның киелі жерлері, еліміздің атақты тұлғалары, этикет мәселесі жөнінде қазақ және орыс тілдерінде дәрістер беріледі. Олардың ұзақтығы 10-15 минут аралығында. Әрқайсысы мектеп оқушыларының сынып деңгейіне негізделіп түсірілген. Яғни бірінші сыныптағыларға, екінші сыныптағыларға, солай-солай он бірінші сыныптағыларға дейін.
Дәл осы жобаға Мемлекеттік Қуыршақ театрының артисттері қатысып, лектор ретінде дәріс бейнебаяндарын дайындаған еді. Сондай бейнебаяндардың бірі – театрымыздың әдебиет бөлімі меңгерушісі, театртанушы, ақын Жазира Ахметова алтыншы сынып оқушыларына «Ана – Жер ана» қойылымы жөнінде қазақ тілінде қызықты әрі түсінікті етіп берген дәрісі. Бейнебаян көңілдеріңізден шығады деп үміттенеміз!