Театрымыздың аяулы жанкүйерлері! Қуыршақ театрының артисті Эльмира Кумарованың «Ұлағатты ұрпақ» онлайн мәдени-білім беру жобасы аясында «Үйшік» қойылымы туралы берген орыс тіліндегі дәрісін назарларыңызға ұсынамыз!
«Ұлағатты ұрпақ» – мектеп жасындағы балаларға онлайн форматта мәдени білім беруге бағытталған жоба. 2020 жылдың қазан айында іске қосылған. ҚР Мәдениет және Спорт министрлігі бастамасы бойынша жүзеге асырылған. Жоба аясында бейнелеу өнері, театр, музыка, кино саларымен қатар Қазақстанның киелі жерлері, еліміздің атақты тұлғалары, этикет мәселесі жөнінде қазақ және орыс тілдерінде дәрістер беріледі. Олардың ұзақтығы 10-15 минут аралығында. Әрқайсысы мектеп оқушыларының сынып деңгейіне негізделіп түсірілген. Яғни бірінші сыныптағыларға, екінші сыныптағыларға, солай-солай он бірінші сыныптағыларға дейін.
Дәл осы жобаға Мемлекеттік Қуыршақ театрының артисттері қатысып, лектор ретінде дәріс бейнебаяндарын дайындаған еді. Сондай бейнебаяндардың бірі – театрымыздың артисті Эльмира Кумарованың бірінші сынып оқушыларына «Үйшік» қойылымы жөнінде орыс тілінде қызықты әрі түсінікті етіп берген дәрісі. Бейнебаян көңілдеріңізден шығады деп үміттенеміз!