Ертегілер әлеміне құштар, ізгілікке сенетін кез келген адам Қуыршақ театрының билеттерін алуға асығады. Мұнда адамның жасына қатысты шектеу жоқ. Театрға келуші әр қойылымнан өзі іздеген жан тыныштығын табады, ерекше көңіл күйге бөленеді! Балалар әлемі ең көңілді, ең шынайы әлем! Ал қоғам осындай тазалыққа құштар!

Театрымыздың үздіктері марапатталды

28 Мамыр 2023


21 мамыр - Мәдениет және өнер қызметкерлері күніне орай Алматы қаласы әкімінің орынбасары А.Қырықбаевтың табыстауымен өнер ордамыздың жаңа бағытта жандануы мен насихатталуы жолында аянбай тер төгіп жүрген майталман мамандар Әбдібаев Ордабай, Момынжанова Ұлбосын, Кумарова Эльмира және Жәкенова Алия Қазақстан Республикасы Мәдениет және спорт министрлігінің «МӘДЕНИЕТ САЛАСЫНЫҢ ҮЗДІГІ» төсбелгілерімен марапатталды. 

Үздік қызметкерлеріміздің марапатталуына қолдау білдірген Алматы қаласы Мәдениет басқармасының басшысы Майлибаев Ғани мырзаға зор алғыс білдіреміз!

Қуыршақ театр қасиетін ардақ тұтқан әріптестерімізді лайықты марапаттарымен құттықтай келе, шалқар шабыт, толайым табыс тілейміз!